निर्वाचन आयोगले भोलि फागुन २१ गते देशभर हुने प्रतिनिधिसभा सदस्य निर्वाचनमा उत्साहपूर्वक सहभागी भई आफ्नो मताधिकार प्रयोग गर्न सम्पूर्ण मतदाताहरूलाई अपिल गरेको छ।
आयोगद्वारा जारी विज्ञप्ति अनुसार भोलि बिहान ७:०० बजेदेखि साँझ ५:०० बजेसम्म मतदानको समय तोकिएको छ। निर्वाचनका लागि आवश्यक मतपत्र, मतपेटिका र अन्य सामग्रीहरू देशभरका सबै मतदान केन्द्रहरूमा पुर्याइसकिएको र कर्मचारी परिचालन लगायतका सम्पूर्ण व्यवस्थापकीय कार्यहरू सम्पन्न भइसकेको आयोगले जनाएको छ।
मतदाताले शान्तिपूर्ण र सुरक्षित वातावरणमा आफूलाई मन परेको उम्मेदवार वा राजनीतिक दललाई मत दिन सक्ने गरी सुरक्षाको भरपर्दो प्रबन्ध मिलाइएको आयोगको भनाइ छ।
