प्रधानमन्त्री सुशीला कार्कीले इलामसहितका विभिन्न स्थानमा अविरल वर्षाका कारण भएको जनधनको क्षतिप्रति दु:ख व्यक्त गरेकी छिन्।
प्रधानमन्त्री कार्कीले एक विज्ञप्ति जारी गर्दै विपद्को यस कठिन घडीमा दिवंगत आत्माको चिरशान्तिको कामना गर्दै शोकसन्तप्त परिवारप्रति हार्दिक समवेदना व्यक्त गरेकी छन्।
उनले उद्धार तथा राहत कार्यमा अहोरात्र खटिरहेका सुरक्षाकर्मी, स्वयंसेवक र स्थानीयवासीप्रति आभार प्रकट गर्दै नेपाली जनताले विपत्तिको सामना गर्ने क्रममा देखाएको धैर्य र सहयोग सराहनीय रहेको उल्लेख गरेकी छन्।
प्रधानमन्त्री कार्कीले प्रभावित क्षेत्रमा राहत वितरण कार्य जारी रहेको समेत जानकारी दिएकी छन्।
