काठमाडौं, प्रधानमन्त्रीको निजी सचिवालयले गृहमन्त्री ओमप्रकाश आर्याललाई हटाउने तयारी भइरहेको भन्ने समाचार असत्य र आधारहीन भएको जनाएको छ।
सचिवालयले विज्ञप्ति जारी गर्दै मन्त्री नियुक्ति वा हटाउने अधिकार प्रधानमन्त्रीकै हुने उल्लेख गरेको छ। साथै, कसैको दबाब वा प्रभावमा निर्णय नहुने स्पष्ट पारिएको छ।
विज्ञप्तिमा हालको संवेदनशील अवस्थालाई ध्यानमा राखी भ्रम, अफवाह र नकारात्मक प्रचारबाट टाढा रहन सबैलाई अनुरोध गरिएको छ।
