नेपाली भाषा तथा साहित्यका आदिकवि भानुभक्त आचार्यको २१३औँ जन्मजयन्ती आज देशभर विभिन्न कार्यक्रम गरी मनाइँदै छ।
यस अवसरमा साहित्यिक गोष्ठी, कविता वाचन, माल्यार्पण तथा सांस्कृतिक कार्यक्रम आयोजना गरिएका छन्। नेपाली भाषालाई सरल र जनसुलभ बनाउँदै रामायणको नेपाली अनुवादमार्फत अतुलनीय योगदान पुर्याएका भानुभक्त आचार्यप्रति श्रद्धाञ्जली अर्पण गर्दै हरेक वर्ष असार २९ गते भानु जयन्ती मनाउने गरिन्छ।
