काठमाडौँ प्रशासनद्वारा जेनजी प्रदर्शनका घाइतेको वर्गीकरण

काठमाडौँ– जिल्ला प्रशासन कार्यालय काठमाडौँले गत भदौमा भएको जेनजी प्रदर्शनमा घाइते भएका १६९ जनाको वर्गीकरण सम्पन्न गरेको छ। प्रशासनका अनुसार घाइतेमध्ये १५ जना अतिगम्भीर, ५१ जना गम्भीर, ३६ जना मध्यम र ६७ जना सामान्य अवस्थाका छन्। यो वर्गीकरणका आधारमा स्वास्थ्य मन्त्रालयले घाइतेहरूलाई आवश्यक सेवा सुविधा उपलब्ध गराउनेछ।