मङ्सिर १७, २०८१, सोमबार
काठमाण्डौ ।
साहारा चितवन सहकारी लिमिटेडको रकम हिनामिना गरेको आरोपमा मङ्सिर ५ गते रवि लामिछानेसहित १० जनाविरुद्ध पूरक जाहेरी दर्ता भए अनुसार सहकारी ठगीको आरोपमा पक्राउ परेका रास्वपाका सभापति एंव पूर्व गृहमन्त्री रवि लामिछानेलाई बयानका लागि जिल्ला सरकारी वकिल कार्यालय चितवन लगिएको छ । काठमाण्डौमा उनको बयान सकिए लगत्तै चितवन लगिएको हो । उनीमाथि सहकारी ठगी, संगठित अपराध एवं सम्पत्ति शुद्धीकरण सम्बन्धी अनुसन्धानका लागि २ कार्तिकमा काठमाडौंबाट पक्राउ गरिएको थियो। लामिछानेलाई अनुसन्धानका लागि पोखरा, रुपन्देही, काठमाडौं हुदै आज चितवन लगिएको छ । चितवनमा अनुसन्धान सकेपछि सम्भवत पुन: उनलाई पोखरा नै पुर्याईनेछ ।
