मंसिर २६, २०८१ बुधबार
काठमाडौ ।
वीरगञ्जस्थित सानोपाइला सहकारीको संस्थाको रकम हिनामिना गरेको आरोपमा रास्वपाका सभापति एंव पूर्व गृहमन्त्री रवि लामिछानेको पर्सामा अनुसन्धान सकिएपछि पोखरा पुर्याइएको छ। उनलाई बाराको सिमराबाट काठमाडौं हुँदै हवाइमार्गबाट पोखरा पुर्याइएको हो । उनीमाथि सहकारी ठगी, संगठित अपराध एवं सम्पत्ति शुद्धीकरण सम्बन्धी अनुसन्धानका लागि २ कार्तिकमा काठमाडौंबाट पक्राउ गरिएको थियो । लामिछानेलाई अनुसन्धानका लागि पोखरा, रुपन्देही, काठमाडौं, चितवन र अन्तिममा पर्सा लगिएको थियो । पर्सामा अनुसन्धान सकेपछि आज पुन: उनलाई पोखरा नै पुर्याइएको हो । गोर्खा मिडियासंगै लामिछाने जोडिएका सहकारीहरु सबैमा अनुसन्धान सकिएको छ। पछिल्ला पटक थपिएको म्याद भोलि सकिदै छ, म्याद थपका लागि भोलि अदालत उपस्थित गरिदै छ।
