नेकपा एमालेका उपमहासचिव योगेश भट्टराईले हालै सम्पन्न प्रतिनिधि सभा निर्वाचनमा पार्टीले व्यहोरेको परिणामलाई ‘ठूलो धक्का’ भन्दै सार्वजनिक रूपमा सुझाव मागेका छन्।
निर्वाचनको नतिजापछि सामाजिक सञ्जालमार्फत उनले पार्टीको नीति, नेतृत्व, संगठन र कार्यशैलीबारे वस्तुनिष्ठ समीक्षा आवश्यक रहेको बताएका हुन्। भट्टराईले पार्टीका नेता, कार्यकर्ता र बुद्धिजीवीहरूलाई एमालेको रूपान्तरण र पुनर्जागरणका लागि सुधारका ठोस प्रस्ताव पठाउन आग्रह गरेका छन्।
उनले निर्वाचनमा हारको कारण, सुधारका उपाय र पार्टीको आगामी सम्भावनाबारे आफ्नो इमेल वा ह्वाट्सएपमा सुझाव दिन अनुरोध गरेका हुन्। “समीक्षामार्फत जिम्मेवारी किटान र जवाफदेहिताको प्रश्न समाधान हुनुपर्छ,” उनले भनेका छन्।
