बनेपामा बाबुले चलाएको गाडीले किचेर छोरीको मृत्यु भएको छ। सिन्धुलीको गोलान्जोर गाउँपालिका–१ घर भइ हाल काभ्रेको बनेपा नगरपालिका ४ बस्ने वर्ष ३० का सरोज बरालले गाडी ब्याक गर्ने क्रममा आफ्नै छोरी अन्दाजी वर्ष ४ की समिक्षा बरालको ज्यान गएको हो।
बनेपा नगरपालिका– ४ त्रिवेणीचोकमा रहेको शुभकामना सप्लायर्स (गिटि वालुवा) डिपो भित्र बा ४ ख ८५९२ नम्बरको महेन्द्र निशान गाडीले ठक्कर दिएपछि घाइते भएकी बालिकालाई उपचारको लागि धुलिखेल अस्पताल पठाएकोमा उपचारको क्रममा अस्पतालमा मृत्यु भएको घोषणा गरेको थियो।
