ललितपुर। ललितपुरको इमाडोलस्थित किष्ट अस्पतालमा खोटाङकी ३४ वर्षीया मिनाश्री राईको सुत्केरी गराउने क्रममा मृत्यु भएपछि स्थिति तनावपूर्ण बनेको छ।
चिकित्सकको लापरबाहीका कारण मृत्यु भएको भन्दै मृतकका आफन्तले अस्पतालमा तोडफोड र प्रदर्शन गरेपछि प्रहरीले लाठीचार्ज र अश्रुग्यास प्रहार गरेको छ।
अस्पताल बन्द र दोषीलाई कारबाहीको माग गर्दै प्रदर्शनमा उत्रिएका आक्रोशित भिड नियन्त्रणमा लिन प्रहरीले बल प्रयोग गरेको हो। हाल अस्पताल परिसरमा बाक्लो संख्यामा सुरक्षाकर्मी परिचालन गरिएको छ।
