काठमाण्डौ
नेपाल प्रहरीका पूर्वप्रमुख सर्वेन्द्र खनालले नेकपा एमाले छाडेको जानकारी दिएका छन् । आज उनले सामाजिक सञ्जाल फेसबुक मार्फत एक स्ट्याटस लेख्दै भनेका छन्, ‘हजुरहरुलाई मेरो राजनीतिक स्थितिबारे अन्यौलमा परेको महसुस गरेर म यसै माध्यमबाट स्पष्ट पार्न चाहन्छु कि म अहिले कुनै पनि राजनीतिक पार्टीसँग आबद्ध छैन ।’ यतिबेला आफू स्वतन्त्र रुपमा स्थानीय र राष्ट्रिय समस्या समाधानका लागि काम गरिरहेको उनले बताएका छन् । देश र समाज हितका लागि आफ्नो समय परिस्थिति अनुकुल सधै सक्दो कार्य गरिरहने जानकारी समेत दिएका छन्।
