युके पठाइदिने प्रलोभनमा ठगी: कुमारी तामाङ पक्राउ

काठमाडौं: वैदेशिक रोजगारीको आकर्षक प्रलोभन देखाई युके पठाइदिने भन्दै ६ लाख ७२ हजार २ सय रुपैयाँ ठगी गरेको आरोपमा काठमाडौंबाट कुमारी तामाङ पक्राउ परेकी छिन्। नुवाकोटको तार्केश्वर गाउँपालिका-१ घर भई हाल काठमाडौं-१६ बस्ने ३५ वर्षीया तामाङले २ जना पीडितबाट रकम लिई सम्पर्कविहीन भएपछि उजुरी परेको थियो।
काठमाडौं उपत्यका अपराध अनुसन्धान कार्यालय, टेकुबाट खटिएको प्रहरी टोलीले बुधबार उनलाई काठमाडौं महानगरपालिका-१२ बाट नियन्त्रणमा लिएको हो।
पक्राउ परेकी तामाङलाई थप अनुसन्धान र कारबाहीका लागि वैदेशिक रोजगार विभाग, ताहाचल पठाइएको प्रहरीले जनाएको छ।