बारामा ९ वर्षीया बालिकालाई जबरजस्ती करणी गरेको अभियोगमा प्रहरीले एक जनालाई पक्राउ गरेको छ । सिम्रौनगढ नगरपालिका-१०, देवापुर टेटा टोलका ३१ वर्षीय छोटेलाल प्रसाद यादवलाई शनिबार दिउँसो पक्राउ गरिएको हो ।
यादवले ती बालिकालाई जबरजस्ती करणी गरेको भनी पीडित पक्षबाट उजुरी परेपछि इलाका प्रहरी कार्यालय सिम्रौनगढबाट खटिएको प्रहरी टोलीले उनलाई नियन्त्रणमा लिएको हो ।
पक्राउ परेका उनीमाथि थप अनुसन्धान भइरहेको प्रहरीले जनाएको छ ।
