काठमाडौंको अत्तरखेलबाट ७६ हजार नक्कली नोटसहित ६ जना पक्राउ

काठमाडौं । काठमाडौंको अत्तरखेलबाट ७६ हजार नक्कली नोटसहित ६ जना पक्राउ परेका छन्। बुधबार राति प्रहरीले सिन्धुपाल्चोकका ३२ वर्षीय दावा नोर्वु शेर्पासहित ६ जनालाई १ हजार दरका ७६ थान नक्कली नोटसहित नियन्त्रणमा लिएको हो।
जिल्ला प्रहरी परिसर काठमाडौं र प्रहरी वृत्त बौद्धको टोलीले उनीहरूलाई पक्राउ गरी थप अनुसन्धान अघि बढाएको छ। पक्राउ परेकाहरूले नक्कली नोट कहाँबाट ल्याएका हुन् भन्नेबारे प्रहरीले खोजी गरिरहेको छ।