पौष ०१ , २०८१ आईतबार
काठमाडौ ।
काठमाडौंका पूर्वमेयर पीएल सिंहको ८८ वर्षको उमेरमा गएराति १ बजे चाक्सीबारीस्थित प्रकाशमान सिंहको निवासमा निधन भएको थियो । गणेशमान सिंहको सहयोगीका रुपमा काम गरेका पीएल उपप्रधानमन्त्री एवम् शहरी विकास मन्त्री प्रकाशमान सिंहको निवासमा बस्दै आएका थिए । पीएल सिंह २०४९ सालको स्थानीय तह निर्वाचन जितेर तत्कालीन काठमाडौं नगरपालिकाको मेयर बनेका थिए । पीएल सिंह अविवाहित हुन् भने उनका भाइ र बहिनीहरु रहेका छन् । काठमाडौं नगरपालिकालाई उनको समेतको पहलमा २०५२ साल मंसिर २९ गते महानगरपालिका घोषणा गरिएको थियो।
