तनहुँको भानु नगरपालिकाबाट प्रहरीले जुवातास खेलिरहेको अवस्थामा ६ जनालाई पक्राउ गरेको छ ।
भानु नगरपालिका-१ स्थित एक घरमा जुवा खेलिरहेको अवस्थामा घरधनीसहित ६ जना पक्राउ परेका हुन् । पक्राउ पर्नेमा घरधनी ५८ वर्षीय कर्ण बहादुर गुरुङ लगायत रहेका छन् ।
इलाका प्रहरी कार्यालय भानुबाट खटिएको प्रहरी टोलीले उनीहरूलाई सोमबार दिउँसो नियन्त्रणमा लिएको हो । प्रहरीले जुवाको खालबाट नगद ३५ हजार ८ सय ७५ रुपैयाँ र ३ बुक तास समेत बरामद गरेको छ ।
पक्राउ परेका उनीहरूमाथि थप अनुसन्धान भइरहेको इलाका प्रहरी कार्यालय भानुले जनाएको छ ।
