आज तामाङ्ग समुदायले विभिन्न कार्यक्रम गरेर नयाँ वर्षका रुपमा सोनाम ल्होछार मनाउँदै छन् ।
प्रत्येक वर्ष माघ शुक्ल प्रतिपदाका दिन विभिन्न कार्यक्रम गरी सोनाम ल्होछार मनाइन्छ ।
मुसा, गाई, बाघ, खरायो, ड्रागन, सर्प, घोडा, भेडा, बाँदर, चरा, कुकुर र सुँगुर गरी १२ वर्गमा सोनाम ल्होछारलाई विभाजन गरिएको छ ।
आजदेखि खरायो वर्ग पूरा भएर गरुढ वर्ष प्रवेश भएको छ । पुरानो वर्षलाई बिदाइ र नयाँ वर्षलाई स्वागत गरी धार्मिक र सांस्कृतिक विधिअनुसार तामाङ्ग समुदायले यो पर्व मनाउने गर्दछन ।
तामाङ्ग समुदायले सोनाम ल्होछारलाई पर्वको रुपमा उत्सव मनाउने गर्दछ। मिठो मिठो परिकार बनाएर खाने र एक आपसमा शुभकामना आदानप्रदान गरी यो पर्व मनाउने चलन छ ।
