वाइडबडी प्रकरण: जीवनबहादुर शाहीलाई सफाइ दिने फैसलाविरुद्ध अख्तियार सर्वोच्चमा

वाइडबडी विमान खरिद अनियमितता प्रकरणमा विशेष अदालतले गरेको फैसलाप्रति असन्तुष्टि जनाउँदै अख्तियार दुरुपयोग अनुसन्धान आयोगले सर्वोच्च अदालतमा पुनरावेदन गरेको छ ।
विशेष अदालतले गत वर्ष फैसला सुनाउँदै नेपाल वायुसेवा निगमका तत्कालीन महाप्रबन्धक सुगतरत्न कंसाकार, पूर्वसचिव शंकरप्रसाद अधिकारी लगायतलाई दोषी ठहर गरे पनि पूर्वमन्त्री जीवनबहादुर शाहीसहित अन्यलाई सफाइ दिएको थियो । तर, आयोगले उक्त फैसला त्रुटिपूर्ण रहेको भन्दै आइतबार (मंसिर १६ गते) सर्वोच्चमा पुनरावेदन दर्ता गराएको हो ।