बैतडीको सिगास गाउँपालिकामा आज बिहान सु.प.प्र. ०१००१ च ४०२८ नम्बरको जिप दुर्घटना भएको छ।
दुर्घटनामा घाईते भएका दुईजनाको उपचारको क्रममा मृत्यु भएको छ ।
मृत्यु हुनेमा सिगास गाउँपालिका– १ इरानाकी १४ वर्षीया जयन्ती धामी र १९ वर्षीया पार्वती धामी रहेको जिल्ला प्रहरी कार्यालय बैतडीले जनाएको छ।
दुर्घटनामा परेर गम्भीर घाइते भएका दुवैको डडेल्धुरा अस्पतालमा उपचारका क्रममा ज्यान गएको हो ।
घाइते भएका अन्य ४ जनाको डडेल्धुरा अस्पतालमा उपचार भइरहेको छ ।
