बाराको जीतपुरसिमरा उपमहानगरपालिकाबाट प्रहरीले जुवातास खेलिरहेको अवस्थामा ९ जनालाई पक्राउ गरेको छ। उपमहानगरको वडा नं. २ स्थित जानकी टोलबाट शनिबार दिउँसो उनीहरूलाई नगद र ताससहित पक्राउ गरिएको हो।
इलाका प्रहरी कार्यालय सिमराबाट खटिएको प्रहरी टोलीले उनीहरूको साथबाट नगद १ लाख ५४ हजार ६ सय ८० रुपैयाँ र ३ बुक तास बरामद गरेको छ।
प्रहरीका अनुसार पक्राउ पर्नेमा जीतपुरसिमरा उपमहानगरपालिका-१ बस्ने ३० वर्षीय सुसन खाती सुनार लगायत ९ जना रहेका छन्। पक्राउ परेका उनीहरूमाथि थप अनुसन्धान भइरहेको प्रहरीले जनाएको छ।
