गौशालास्थित एक होटलमा मृत अवस्थामा युवती फेला

काठमाण्डौ

गौशालास्थित बागमती होटलमा एकजना युवती मृत अवस्थामा भेटिएकी छन् । पुस १६ गते मंगलबार उनी होटलमा पुगेको रेकर्ड देखिएको छ । लामो समय ढोका नखुलेपछि होटल सञ्चालकले प्रहरीलाई खबर गरेका हुन् । प्रहरी र स्थानीयको उपस्थितिमा ढोका फुटाएर हेर्दा कोठामा मृत अवस्थामा भेटिएकी थिइन् । घटनाबारे उपत्यका अपराध अनुसन्धान कार्यालय र जिल्ला प्रहरी परिसर काठमाडौँले अनुसन्धान गरिरहेको छ ।