सुर्खेतमा महिलालाई जबरजस्ती करणी गरेको आरोपमा एक जना पक्राउ

सुर्खेत: सुर्खेतको वीरेन्द्रनगर नगरपालिका-४, एरिचोकमा ४० वर्षीया महिलालाई जबरजस्ती करणी गरेको अभियोगमा मकवानपुर घर भएका ४० वर्षीय सुजेन्द्र स्याङ्तानलाई सोमबार दिउँसो प्रहरीले पक्राउ गरेको छ।
पीडित महिलाले दिएको उजुरीका आधारमा जिल्ला प्रहरी कार्यालय सुर्खेतबाट खटिएको प्रहरी टोलीले स्याङ्तानलाई पक्राउ गरेको हो।
यस घटना सम्बन्धमा प्रहरीले थप अनुसन्धान गरिरहेको जिल्ला प्रहरी कार्यालय सुर्खेतले जनाएको छ।